Vor­stand­schafts­aus­flug 2026

Am 07.03. war’s wie­der so weit: Unser Vor­stand­schafts­aus­flug is o’gstanden. Wia im letz­ten Jahr is aa heu­er wie­der nach Min­ga ganga – schließ­lich muaß de legen­dä­re Eng­li­scher-Gar­ten-Tour wie­der­holt werd’n.
D’Frau von unserm Vor­stand hod dan­kens­wer­ter­weis den Fahr­dienst über­nom­ma und uns sau­ber nach Moos­burg zum Bahn­hof bracht. Kaum am Bahn­steig g’standn, is aa scho des ers­te Bier aufg’macht worn – ma muaß ja glei guad eini kem­ma. In Min­ga o’kumma, hod scho des nächs­te küh­le Bier auf uns g’wart.
Ers­te Sta­ti­on war wie­der da Aumeis­ter Bier­gar­ten. Do ham­ma uns glei de ers­te Maß eini­zogn. Nach’m gefühlt längs­ten Fuß­marsch vo da gan­zen Tour (zumin­dest hod’s si so o’gfühlt ) san ma beim Mini-Hof­bräu­haus o’kumma. Do gab’s dann de zwoa­te Maß und a gschei­de Brot­zeit zur Stärkung.
Wei­ter is ganga ins See­haus im Eng­li­schen Gar­ten. Weil’s heu­er recht frisch war, is bei ana Hoibn bliebn – und de ham­ma lie­ber drin g’trunka.
Nächs­te Sta­ti­on war da Schwa­bin­ger Oster­wald­gar­ten. Do is gscheid g’essn und natür­lich aa ordent­lich trun­ka worn – wia si des g’hört.
Danach san ma wie­der Rich­tung Bahn­hof auf­bro­cha. De Heim­fahrt war heu­er ned ganz so ein­fach, weil d’Zugverbindung nach Moos­burg ned opti­mal war. Am Münch­ner Haupt­bahn­hof ham­ma dann no an Löwen-Fan ken­nag­lernt, der uns spon­tan a Bier ausg’gebn hod – a fei­ner Kerl, der genau auf unserm Level war.
In Moos­burg o’kumma, hod si a Teil abho­in lassn. Da Rest is – sagen ma’s amoi so – a bissl „krea­tiv“ wei­ter nach Lands­hut g’fahrn, obwohl des Ticket eigent­lich scho nim­mer gilt hod. Do ham si dann de jün­ge­ren Kame­ra­den verabschiedet.
De zwoa „Oidn“ warn aber no ned fer­tig und san no in Rocket-Club auf zwoa Long­drinks ganga. Gegen 1:30 Uhr war dann end­gül­tig Schluss – a rund­um gelun­ge­ner Aus­flug is z’End ganga.